張惠妹大巨蛋跨年騷日前開鑼 歌迷狂熱附近居民投訴又嘈又震

事先張揚會為所有入場觀眾贈送20萬份禮物嘅 張惠妹 ，日前正式展開佢嘅首次台北大巨蛋演唱，今次佢唔止係第二名於呢個場地開騷嘅歌手，更會跨年演出，認真犀利。

張惠妹展開佢嘅首次大巨蛋個唱
過往歌手們通常都係完騷時先向工作人員道謝，不過今次阿妹就反其道喺正式開騷之前就感謝一眾工作人員，仲幾乎講出眼淚非常感性。
開騷前又特別感謝全體工作人員嘅努力

而一早話要入場學嘢嘅小豬 羅志祥 亦有入場欣賞，更隔空向傳媒點歌，但係佢就指暫時冇計劃加入大巨蛋演出嘅行列，仲自謙冇能力喺咁巨大嘅場館演出，認為壓力會非常大。
到場欣賞嘅小豬就謙稱自己冇本事應該咁大嘅場館喇

當年阿妹因為一首《三天三夜》被投訴而絕跡小巨蛋多年，今次開騷前大巨蛋就喺社交平台叫放心跳唱，但係首場完成之後，附近又再有居民投訴，阿妹開騷時屋企又嘈又震，不過當局就未如上一次禁唱咁掃興喇。

大巨蛋嘅周邊居民對噪音同震動提出投訴