支嚳儀涂家堯合體辦Fans Party 再唱《Endless Love》下月中一生合體 曾經喺參加

曾經喺參加《中年好聲音》期間合唱《Endless Love》嘅 涂家堯 同 支嚳儀 ，當時嘅演出獲得唔少觀眾一致好評，而近日Gavin同Venus就再次合體，聯手舉行歌迷聖誕派對，提早同大家慶祝聖誕。

Venus同Gavin再合唱，同時為歌迷搞聖誕Party
兩人亦現場合唱多首歌曲，好似重新編曲嘅《手心的薔薇》、《Endless love》等，希望帶俾大家耳目一新嘅感覺，仲邀請唱得之人 文佐匡 《中3》嘅 陳雋良 、 蔡雨婷 同一班野男擔任嘉賓齊齊Party。

參加比賽合唱後，唔少歌迷都一直敲碗希望佢哋再次合作
兩位主角指，今次舉行派對嘅構思，都係源自合唱《Endless love》後，唔少朋友都成日追問幾時會再一次合唱，最後經過討論後就決定，選擇首難度唔低嘅《手心的薔薇》，仲重新編排歌曲，Venus仲大讚Gavin人緣極佳，今次係碌盡人情卡協助錄音、製作、拍攝等，仲光速有24小時就完成作品，之後佢哋又忽發其想，決定舉行聯合歌迷聚會，等大家可以一齊現場欣賞成果。
近日佢哋就再合唱重新編曲嘅《手心的薔薇》

派對當日唔止有大量美食同大抽獎，佢哋仲秘密排練encore環節，Venus嘅仔仔同一班小朋友跳唱近期神曲《APT》同《江南style》，令現場氣氛更為歡樂，呢日仲特別為12月生日嘅歌迷們慶祝。

而Venus之後仲大爆，Gavin將集合約100位《中1》生，舉行百人派對，因為賽後大家都各有各忙，係時候大家再聚一聚，互相慰問同交流現況。