黃劍文與教友食聖誕大餐賀佳節 周慧敏倪震夫妻甜蜜現身形影不離

《中年好聲音2》黃劍文Kimman喺今個聖誕節除咗同屋企人度過之外，喺25號就同教會弟兄姊妹大家庭聚餐，曝光咗好友周慧敏Vivian同老公倪震Joe一齊過聖誕嘅畫面，兩夫妻並肩而坐，去到唔同位置都形影不離，大方同身邊好友合照，夫妻展現恩愛感覺。

《中年好聲音2》黃劍文Kimman喺今個聖誕節除咗同屋企人度過之外，喺25號就同教會弟兄姊妹大家庭聚餐。
倪震一直甚少公開露面，特別係同老婆周慧敏幾乎絕跡社交平台，不過喺較早前4月時，夫妻出席一個聚會時，就被公關鄭紹康曝光夫妻畫面，粉碎一直盛傳嘅婚變傳聞。今個聖誕節兩夫妻又一齊共度浪漫佳節，現年60歲嘅倪震一副黑框眼鏡，配以簡約冷衫裝扮，臉上幾乎零皺紋，依然流露住一股書生氣色，絕對屬於跑贏歲月一族。

周慧敏同老公倪震一齊過聖誕！
而Kimman好開心同弟兄姊妹共聚，佢同周慧敏由教友到朋友相識多年，早前Kimman首次開騷，周慧敏亦有踩台演出撐場，並大讚Kimman嘅為人，呢份友誼難能可貴。

Kimman感恩過咗一個非常愉快嘅 Christmas，感受滿滿愛滿滿祝福嘅一個聖誕。
Kimman出Po留言：「感恩過咗一個非常愉快嘅 Christmas，感受滿滿愛滿滿祝福嘅一個聖誕，24號平安夜同屋企人過，25號同教會弟兄姊妹呢個大家庭，一齊食聖誕大餐大滿足，好難得一起同行10年多，非常珍貴嘅關係，感激這份永恆嘅愛。」Kimman並公開感激一直喺佢身邊相助嘅Jojo，以及展示家中愛貓同埋生咗貓BB嘅情況。

倪震一直甚少公開露面，特別係同老婆周慧敏幾乎絕跡社交平台，今次粉碎一直盛傳嘅婚變傳聞。