​​尹光自爆爛賭曾一晚輸一層樓 結婚後洗心革面努力唱歌還債

尹光 呢日現身活動，吸引唔少粉絲到場支持，光B當然都要唱返兩首招牌歌回饋下粉絲，除咗上年大熱歌曲《Dear Myself》，光B仲唱咗首好歡樂嘅《黃飛鴻》。

尹光呢日於活動上獻唱
光B預告下年三月將會舉行粵曲演唱會，海外商演亦陸續有來，嚟緊嘅農曆新年，佢仲會為一套賀歲片演唱主題曲，講到套賀歲片同賭有關係，估唔到光b竟然自爆曾經都有一段爛賭嘅歲月，佢話當年試過一晚輸一層樓，結咗婚之後先洗心革面戒賭，好彩自己當年歌酬高，所以唱咗一年歌就還清所有賭債。
仲提到當年爛賭到一晚輸足一層樓

而講到年尾嘅樂壇頒獎禮，光B話自己確實對得獎有期望，不過如果攞唔到獎亦唔會灰心，會再接再厲，果然好有前輩風範。

3月佢就會再開粵曲音樂會