伍佰內地跨年晚會遭美顏處理 搖滾天王霸氣盡失慘變白面鬼

台灣搖滾天王喺啱啱過去嘅跨年夜，去到內地參與一個電視台舉辦嘅跨年晚會，當晚伍佰獻唱多首歌曲，不過當唱到《你是我的花朵》時，大會就打算搞搞新意思，將螢幕套上A.I效果，令螢幕上嘅伍佰展現出不同風格，不過當中嘅美顏大眼效果，就令平時浪子不羈形象嘅伍佰，皮膚竟然變得光滑白皙，就連深棕色嘅髮色都變成紫紅色，令觀眾大感詫異。
起初嘅伍佰都仲係正常嘅。
唔少網民話美肌過頭嘅伍佰好似變咗動漫人物，仲搞笑話咁樣嘅伍佰變得更親民可愛，不過絕大多數網民都覺得呢種美顏過度嘅作法並不恰當，仲有毒舌啲嘅網民話指電視台應該同伍佰有仇，先會將好好一個搖滾天王變成白面鬼，話伍佰直頭被電視台毀容。
但當A.I效果一上後⋯⋯
雖然電視台今次美顏明顯太重手惹來負評，不過亦讓電視台跨年騷大大增加曝光率，算係另一種收穫。咁唔知伍佰本人見到美顏後嘅伍佰老師，又有咩睇法呢？！
變成白臉大眼童顏。
大眾認識嘅伍佰。