曾比特孖女友首度同台合唱 二人以事業為重未諗結婚

曾比特（Mike）喺元旦同女友鄧嘉宜以及馬來西亞歌手盧信宥出席一個潮汕非遺文化嘉年華活動，呢次亦係Mike同女友首次合體現身，阿Mike更同女友以及音樂學校學生合唱《月亮代表我的心》。第一次同台合作，都令二人覺得開心得嚟又好有意義！
 曾比特（Mike）喺元旦同女友鄧嘉宜及馬來西亞歌手盧信宥出席活動。Mike首次同女友一齊出席公開活動。
二人拍拖多年，三年前又共同開音樂學校，加上呢次同框，阿Mike都希望可以同女友喺工作上更加拍住上再衝刺。至於講到人生大事部分，鄧嘉宜就話目前以事業為重，因為佢同阿Mike都好享受工作。
 兩人話暫時以事業為先。
盧信宥難得來港工作慶新年，佢都覺得特別難忘，喺除夕夜佢仲特別向工作人員要求欣賞煙花。呢個體驗都令佢直呼震撼，又大讚煙花綻放效果好靚，一圓多年心願！
盧信宥難得來港工作慶新年。