《玫瑰的故事》內地演員疑被騙出埠拍劇失聯 秦嵐等紅星轉發求救文助尋人

內地演員王星（星星）日前驚傳赴泰國拍戲失聯，疑誤墮騙網，被一位名叫「顏十六」嘅人，以泰國知名娛樂公司「GMM Grammy」演員統籌身份，以出埠拍劇為名誘騙到泰國。 星星女友嘉嘉1月5日喺社交平台發文，表示男友12月底喺某演員接戲群組收到訊息，佢添加演員統籌微信並試戲成功後，決定前往泰國加入劇組。

內地演員王星疑受騙往泰國加入劇組失聯

星星出發前曾一度質疑拍攝資訊、拍攝地點而想拒絕，但是遭對方暴怒爆粗仲表示：「抓緊時間，爭取我這邊實在換不了人」令星星妥協。 嘉嘉喺長文分享最後男友行蹤，指星星由1月3日北京時間4點(曼谷時間：3點)，由上海直飛q泰國曼谷蘇萬那普機場，之後乘搭由演員統籌安排嘅車輛，1月3日凌晨至中午，兩人一直保持聯絡，星星喺接近中午時曾透露「上車了，因為上一輛車交接了。」、「五分鐘（到開機儀式）。」而女友之後再聯絡已經搵唔到人。
其女友多方面緊急求救，今日又直接飛往泰國報案

事後嘉嘉聯絡上海市公安局、中國駐泰國大使館、駐清邁使領館尋求協助，但上海市公安局以「人不在國內不予受理」回覆，大使館及使領館就表示「要確定人是否在泰國及需在當地立案」先會進行協助。嘉嘉發出求救文後，中國駐清邁總領館回覆傳媒：「1月3日已接獲親屬求助，目前正跟進。」 

佢一直發文力指男友為人正直努力

最後嘉嘉透露，自己會喺1月6日飛抵曼谷，並去大使館同警局報案，又請求有影響力嘅人擴大求救，又懇求有相關資源、手段、建議或者成功營救案例嘅人同佢聯絡。 星星雖然知名度不大，但入行多年亦演出過唔少知名戲劇，包括《玫瑰的故事》、《獵罪圖鑑2》、《女心理師特別篇》，而佢出演過最廣為人知嘅角色就係由楊冪、龔俊領銜主演嘅《狐妖小紅娘月紅篇》「牧童」一角。
過往同佢合作過嘅唔少藝人都轉發消息

同嘉嘉合作過嘅龔俊、秦嵐、趙一博亦有轉發嘉嘉嘅求救文，又分別表示：「曾和他還演過對手戲，很棒且敬業的男生，望平安」、「合作過的非常努力專業的演員，希望大家幫幫忙，願平安歸來」、「我們在2021年一起拍戲，殺青之後我們這些年也一直有聯繫，他是一位非常敬業和努力的演員，希望能有更多人看到這條微博！一定要平安！」，張藝興、馬天宇、李一桐等演員亦有出力轉發文章，希望星星平安回國。

星星過往曾拍攝過唔少影視作品