大馬歌手艾薇錄影鬧笑話 台上獻唱時假牙飛脫掉落台

近年於台灣發展嘅27歲馬來西亞女歌手李艾薇，日前喺台灣錄影音樂節目《超級巨星紅白藝能大賞》時發生爆笑事件，喺台上演唱緊嘅佢，竟然唱到假牙甩咗，而成個過程仲要畀攝影師拍低咗，難怪艾薇都自嘲佢嘅演出會成為紅白歷史！

馬來西亞女歌手艾薇日前演出時鬧笑話。

艾薇喺限時動態自爆笑料。
Summer都忍唔住留言。

艾薇 5號晚錄影完節目後，先喺社交平台出post表示：「假牙在台上掉下來…也是蠻扯的。這會成為紅白的歷史嗎 ☺️」之後不斷有網民留言問發生咩事，又問呢一段會唔會播出街，就連蕭敬騰嘅太太兼經理人Summer亦忍唔住留言：「我服了妳」，而Ivy亦逐一留言回覆大家，除咗話聽聞當時見證呢一刻嘅工作人員都笑翻外，又指呢一段會唔會被剪走就要睇導演，至於有人問到佢點解年紀輕輕就會有假牙？Ivy就話：「吃炸雞吃到牙齒斷掉…所以就去植牙了」
事件發酵一日後，Ivy再發文。

Ivy 崩牙示意圖。
事件發酵咗一日，睇完錄影嘅觀眾亦開始喺網上討論呢件趣事，令到勁尷尬嘅 Ivy 喺6號再出post表示：「今天打開threads 看到 昨天看紅白的大家，寫到我都是關於假牙，沒有表演。可惡！！ 被假牙搶掉了我的光環🤣拜託大家除夕看的時候，也要看我的表演，我很認真準備的，唱的蠻好的。然後希望大家也標記我表演，不要只標記我假牙可以嗎？拜託拜託 🙏🏻😭🤣 哈哈哈哈哈哈 瘋了omg。」
Ivy嘅假牙並非首次鬧出笑話。
其實Ivy並唔係第一次因為佢嘅假牙而鬧出笑話，去年12月佢喺台南嘅聖誕演出時，亦喺社交平台上大方同大家講自己唔記得帶假牙：「等等台南耶誕表演，我忘記帶假牙 😃 瘋掉！我真是服了我的腦子，今天要被大家笑了。」
李艾薇