《東張》女神貓仔準備出嫁！過大禮金光閃閃跟足傳統 父母笑到見牙唔見眼

《東張西望》女神黎寬怡（貓仔）透過參選《2017年度香港小姐競選》加入TVB，翌年為《東張西望》擔任外景主持，經過6年奮鬥，由外景主持升做坐廠，30歲貓仔同拍拖多年、任職專業攝影師嘅男友阿Sing準備結婚，已進行過大禮儀式！

《東張西望》女神黎寬怡與拍拖多年、任職專業攝影師嘅男友阿Sing準備結婚。
作為家中長女嘅貓仔，過大禮跟足傳統，納徵儀式做到足，男家準備龍鳳鈪、果籃、鮑參翅肚、利是禮金、椰子及喜餅等過大禮套裝送去女家，準新娘貓仔就留喺房迴避，當貓仔由房間行出嚟嘅一刻，被過大禮用品震撼到，貓仔話：「第一次俾咁多禮物包圍，真係好驚喜好意外！」

作為家中長女嘅貓仔，過大禮跟足傳統，納徵儀式做到足。

貓仔感謝wedding planner協助，令過大禮當日成個氣氛超好，而女家父母都極為滿意。
貓仔感謝wedding planner協助，令過大禮當日成個氣氛超好，而女家父母都極為滿意，貓仔嘅媽媽見到啲佈置後，仲興奮換咗件靚衫出嚟打卡：「一向內斂嘅爸爸仲開心到一直幫我哋影相同拍片。好開心到父母兩個笑到見牙唔見眼，有大家一齊見證住我兩個呢個幸福時刻，真係好幸福。」《東張》女神貓仔嚟緊要繼續忙住籌備2月婚禮，一對新人都相信一切會順順利利。

《東張》女神貓仔嚟緊要繼續忙住籌備2月婚禮。