韓國女團Kep1er展現為食本性 盼多啲去海外見粉絲

選秀節目出道嘅韓國女團Kep1er將大年初一訪港，參加新春國際匯演之夜，嚟香港之前，佢哋剛去咗台灣錄影大型賀年節目，呢次只有六位成員現身，佢哋事前有學定中文同大家打招呼。
女團Kep1er將大年初一訪港。
崔有真指2025年剛開始就嚟呢度參與節目，佢哋感到好開心，相信會獲得好嘅能量；混血成員休寧巴伊葉訪台前有問過哥哥休寧凱意見，哥哥休寧凱早前去台北工作，休寧巴伊葉獲提點必食牛肉麵。

Kep1er雖然身形好fit，原來佢哋好為食，抽獎品展示為食本性，江崎光成功獲得免費珍珠奶茶；Kep1er早前慶祝成團3周年，作為限定女團嘅Kep1er，佢哋可以繼續得到粉絲支持，覺得好感恩，承諾想多啲去海外見粉絲。