衛詩雅晒過大禮相派頭十足 六對龍鳳鈪加巨型金豬搶晒鏡

影后衛詩雅上年中宣布將同醫生男友周祉安拉埋天窗，雖然冇正式公開婚期，不過有消息指好日子應該係下個月中。Michelle於1月9號喺社交平台上載一系列過大禮嘅相，可見男家非常大手筆。

Michelle於1月9號喺社交平台上載一系列過大禮嘅相。
相中可見到最少有六對龍鳳鈪，仲有各式金器，十足豪門嫁女咁，當中嘅金豬頸鏈睇落好有份量，而Michelle跟足傳統，將寓意子孫滿堂嘅金豬戴上身，似乎好心急想造人。枱上仲有大量山珍海味、中式禮餅等勁大排場。

Michelle跟足傳統，將寓意子孫滿堂嘅金豬戴上身，似乎好心急想造人。
Michelle難得公開同未婚夫合照，一對準新人笑容滿面，非常sweet。Michelle近幾個月不停忙於電影《破。地獄》宣傳，仲要抽空籌備婚禮，不過睇得出佢忙得好幸福，post中寫到「原來過大禮係咁嘅感覺㗎」，又hashtag「終於有時間搞吓結婚嘢、船到橋頭自然直、多謝整個過大禮團隊」，包括阿Sa（蔡卓妍）、連詩雅、周家怡、經理人霍汶希等有留言送上祝福。

Michelle近幾個月不停忙於電影《破。地獄》宣傳，仲要抽空籌備婚禮。枱上仲有大量山珍海味、中式禮餅等勁大排場。衛詩雅雖然冇正式公開婚期，不過有消息指好日子應該係下個月中。