告五人預告四月份五萬人場地開騷 人氣高企新一年繼續蟬聯尾牙王

台灣人氣樂隊告五人工作不斷，啱啱先踏入2025年，告五人已經有連串工作計劃，其中最令歌迷期待嘅就係四月佢地將會首度喺高雄世運主場館開騷，成員雲安話，除咗演唱會，仲會設計好多周邊嘅活動，記者問到下一步會唔會想挑戰台北大巨蛋，犬青就話想唱好今次嘅演唱會先。
告五人今年好大機會會繼續蟬聯「尾牙王」呢個寶座。
農曆新年好快就到，各大企業嘅尾牙宴都會邀請歌手表演，告五人上年已經贏得尾牙王封號，今年好大機會會繼續蟬聯呢個寶座，犬青話成個一月份佢哋冇一日休息，雖然上年得到金曲獎，不過今年接尾牙佢地都冇加價，雲安仲搞笑話：「那萬一沒有得獎不就要降價嗎？」至於尾牙嘅收入，佢哋就話會全數投入演唱會同埋新專輯嘅製作當中。

而講到農曆新年嘅安排，告五人就話要繼續工作，冇時間陪屋企人，不過已經事先準備好禮物，至於過年會唔會封大利是俾父母，雲安就話平時孝親費已經俾得好足夠，所以過年唔會特別再加碼啦！