洛杉磯山火｜米路吉逖豪宅燒光：毀滅性災難 Paris急成立基金助受災鄰里

美國洛杉磯發生嘅巨形山火至今造成至少11死多人受傷，報道指有過萬幢建築受到波及，數千住所被無情火焚毀，當中包括大量豪宅，初步估計經濟損失高達500億美元。

當中有奧運冠軍級運動員十面獎牌化灰，亦有唔少名人明星都受到影響，其中《轟天炮》型佬 米路吉遜 (Mel Gibson)於馬利布(Malibu)居住已15年嘅寓所燒通頂，佢接受當地傳媒訪問時指，山火為受災社區帶來毀滅性打擊，亦將回憶統統帶走，形容事件傷感。
米路吉遜形容今次山火狀態具毀滅性亦令人非常傷感

佢接受傳媒訪問時指慶幸家人都平安無事

而同樣受山火波及而家園盡毀嘅亦包括名媛Paris Hilton，佢重返同樣位處馬利布；現已變成頹垣敗瓦嘅寓所拍攝紀錄，Paris指身處變成瓦礫嘅家園非常心碎，難以形容心情，本來滿載同子女珍貴回憶嘅一切變成飛灰，而最難過嘅係當地仲有大批居民經歷同樣災情。
Paris Hilton嘅豪宅同樣燒通頂，對今次涉及大量房屋被毀非常心痛

Paris成立眾籌基金，率先捐出10萬美元協助災民，亦承諾外界每作捐獻，佢都會再補上相同金額鼓勵，希望各界慷慨解囊協助受災人士。

今晨於社交平台率先捐錢，又發動眾籌協助災民