楊洛婷父親加國病逝 親撰長文感激養育之恩

楊洛婷 日前急急帶同子女飛返加拿大，探望因病入院留醫嘅爸爸，佢日前曾提及父親曾先後接受兩次心臟與腎臟移植手術，除咗要靠藥物抵抗排斥之外，同時亦非常容易受到感染，近日就因為難以呼吸而需以氧氣機協助呼吸。

可惜Rabeea今午發文，指父親救河治無效離世，佢喺社交平台撰文悼念，又以多張生活圖片結集成短片作紀念，Rabeea寫道：
Rabeea返港發展再結婚生子，而父母亦不時返港探望

今日，我想用一啲時間紀念我爸爸，佢真係我嘅偶像。佢堅持嘅力量同決心令我深刻明白到抗逆力同努力嘅重要性。

從我細個開始，我爸爸就教曉我乜嘢叫做賺錢養家。佢日日都努力工作，為我哋提供一切需要。佢嘅智慧就好似我生命中嘅指路明燈，總係鼓勵我去追求我嘅夢想，無論嗰啲夢想睇落幾咁冇可能。佢教導我明白信念、自信同追求目標團火幾重要，所以Tanya同Tristan嘅中間名係Faith（信念）同Hart（心）。佢留低嘅教誨永遠都會存在，提醒我哋要滿懷愛心同決心，繼續為我哋嘅夢想而奮鬥。

我爸爸有著令人難以置信嘅求生意志，勇敢面對每一個挑戰，仲激勵住周圍每一個人。我好感激佢能見證我大學畢業、婚禮同四個孫出世。25年前，因為佢開始健康唔好，我曾經以為佢冇機會同我哋見證呢啲時刻。我會永遠記住佢嘅教誨，珍惜我哋一齊嘅每一刻。
上同佢同一對子女趕返加國探望，當時亦祈求各界一齊集氣

呢個世界上冇人可以比我爸爸更細心，佢嘅計劃同指導真係無人可比。佢為我哋日後生活精心撰寫嘅手寫天書，將會係我遵循嘅珍貴路線圖。我承諾會好好照顧媽咪，分享佢俾我哋嘅愛，守住個家，就好似佢所希望咁樣。
Rabeea非常感恩爸爸一直對自己嘅鼓勵同愛護支持

Daddy，你話你嘅遺憾係養大咗一個同你一樣堅強嘅女兒，乜都要靠自己，但其實我做你個女真係好驕傲，更加驕傲嘅係——你係我嘅爸爸。您永遠係我心中嘅英雄。我對您嘅思念真係無法用言語表達，但您嘅精神會永遠伴隨住我，喺我所做嘅一切中繼續存在。