Nowhere Boys出道10年終成立歌友會 主音下廚感激朋友仔多年支持

樂隊Nowhere Boys出道10年，一直未有成立Fans Club，呢日佢哋終於成立歌友會，同大家玩遊戲之外，仲拎埋私伙珍藏出嚟抽獎，實行與眾同樂，主音Van親自解釋點解而家先搞歌友會，話佢哋唔係咩偶像團體，有fans感覺好怪，Van通常叫佢哋做樂迷或者朋友仔。

成軍已經10年嘅Nowhere Boys終於成立歌友會
主音Van更親自下廚煮龍蝦芝士通粉，10年嚟對於Nowhere Boys絕對係一條成長歷程，佢哋好感激一班歌友陪伴，吉他手阿Ken話當初出騷冇諗過有人捧場，而鼓手Nate好享受同歌友互動。
呢日聚會就再同大家近距離見面傾偈喇

鍵琴手漁佬笑指大家係自己友，若果喺街上見到，唔好特登走過嚟影相，大家都係朋友，過嚟say個hi就好，而低音吉他手Hansun就質疑漁佬講嘢咁性感，係咪偷偷地飲咗酒！