Gin Lee盼大家改口叫阿金夠吉利 王丹妮囡囡超捧場成頭號Fans

李幸倪 同 王丹妮 日前一齊參與一個護膚品活動，齊齊以全白色打扮示人。月底就係農曆新年，Gin Lee就話今年一如既往都會放假同家人一齊度過，因為佢認為新年係一個好好嘅充電時間，仲會出門齊齊旅行享受一下，仲會自己細心研究各個行程呀。

Gin Lee獲頒女歌手金獎之後，指歡迎大家改口稱呼佢為阿金
早前終於獲得頒獎禮女歌手金獎，打破永恒銀獎之稱嘅佢，之後即獲一眾同行改稱做阿金，仲認為夠晒好意頭又開心咁話。
佢又預告新年會放假同家人齊齊旅行充電

而Louise同囡囡仲有老公 羅孝勇 去日本狂玩，又齊齊去主題樂園喪玩，返港之後佢就要投入宣傳賀歲新片，佢仲話囡囡係自己嘅頭號Fans，因為自己每部作品佢都想要入場欣賞，仲對劇情非常投入，令身為媽咪嘅佢覺得非常窩心，仲話要非常多謝家人對自己嘅支持呀。

Louise早前同囡囡仲有羅孝勇齊齊去日本玩

佢又話囡囡係自己嘅頭號Fans