溫碧霞新一年火力全開 預告四地取景推出寫真集

踏入2025年，寫真女王 溫碧霞 火力全開，預告將於3月推出第五本寫真集，為咗拍到人靚景靚哋地方，Irene之前四本寫真集，分別去到濟州島、日本、希臘以及塞班島取景拍攝，而今次佢就決定去康城、西班牙、泰國同洛杉磯四個地方取景。

溫碧霞宣佈3月將推出第5本寫真
而其中第一站嘅康城部分靚相，率先曝光，Irene著上優雅長裙，喺陽光明媚嘅康城街道中央，輕撥秀髮留倩影，舉手投足都散發住柔中帶剛，難以抗拒嘅時代女性魅力，雖然Irene已經58歲，但係無論身材同外貌依然keep得非常好，仲時刻保持一顆少女心，最美妲己之稱果然唔係浪得虛名。
其中部份早前於康城取景嘅圖片率先曝光

2025年將會喺Irene豐盛嘅一年，上年佢憑住新片「謊島美人魚」獲頒最佳女主角，而呢部電影亦落實好快上畫，Irene仲話呢部戲，喺佢近10年最鍾意既作品之一添，咁大家就要拭目以待啦，除咗電影方面，Irene喺去年喺廣州舉行巡唱，反應非常好，而喺今年三月，佢將移師到進行巡唱第二站，至於第五本寫真集，亦將配合新片同巡演，同步推出，對Irene粉絲嚟講，真係蛇年一大喜訊呀。