勁冇公德心丨區永權家中露台現空降刀片 受滋擾多年怒斥：係咪想收買人命呀

天降財神人人都想，但若果你喺屋企嘅開揚露台遇上「天降雜物」就真係好閉翳，《東張西望》主持 區永權Albert 近年正為呢件事絞盡腦汁都未能解決，據Albert所指已搬到現居上址十年多，之前只係間有有垃圾從天而降，到近幾年事態先開始日漸嚴重。

刀片從天而降
雖然空降雜物滋擾事件已經公開，Albert亦曾報警及向管理處求助，但事件明顯未得到解決。最新消息Albert喺17號上載一塊刀片落在屋企露台上嘅相片，萬一刀片跌落嚟時，剛好有人喺露台，唔小心因而不幸受傷，就真係不得了！難怪Albert亦忍無可忍，喺社交平台公開事件，圖文並茂留言：「請問『樓上』係咪想收買人命呀？還是屋企冇垃圾桶呢？刀片嚟㗎喎﹗點解咁都掉得落街嘅？🤬」好多網民見到都話太誇張，留言叫Albert報東張，亦有人指刀片應該留有指紋，叫Albert可以報警處理。
區永權有影樓上，可惜見唔到係邊家人咁冇公德心。
早喺2023年時Albert已經透過節目《東張西望》作出控訴，公開家中向海嘅開揚露台頻頻受樓上鄰居高空擲物滋擾，玻璃碎、吸塵機棍、雨遮、廚餘打邊爐牛肉、螺絲帽等，應有盡有嘅雜物都空降到露台，甚至攝製隊採訪當日都遇上呢個情況，作為住戶真係會好憂心。
平日區永權會喺露台拍片。
平日區永權會喺露台拍片。