2025風生水起丨薛家燕落區派福袋揮春 莊子璇胡美貽見證前輩魅力

薛家燕、李丞責、麥玲玲、莊子璇、胡美貽同徐文浩為1月20號晚首播嘅《2025風生水起》宣傳，初次參與節目系列拍攝嘅子璇同美貽，形容家燕姐落區派福袋同揮春，受歡迎程度係萬人空巷，美貽話突然間唔知啲街坊喺邊度出嚟，子璇話完全感受到被人擁擠感覺，家燕姐都話好多謝街坊嘅熱情同支持。麥玲玲、徐文浩、胡美貽、莊子璇、薛家燕及李丞責。
節目組早前落區即畀街坊包圍。

丞丞師傅喺節目中會帶大家遊遍香港興旺地方，同埋拜訪廟宇教大家點樣容易中獎，仲有大談喺網上講嘅漫話地震預言，教大家點催吉避凶。玲玲姐就率先教大家喺蛇年遠行時，可以注意嘅事項，令行程更加順利。
《2025風生水起》將於 1月20號播出。