EXO成員都景秀演周杰倫經典角色 被肉麻對白及鋼琴家風範考起

韓國翻拍台灣經典電影《不能說的秘密》，由男團EXO 成員D.O. 都敬秀飾演周杰倫角色，呢日佢聯同元真兒、辛叡恩以及導演齊齊現身活動造勢。D.O. 大讚原作經典同非常精彩，不過一向少拍愛情片嘅佢就自爆，演出時覺得自己要講嘅對白好肉麻，又要表達出青春感，喺呢方面同導演花咗好多心思研究。
D.O. 指要扮演天才鋼琴家唔容易。
除咗戲路上有新挑戰，D.O. 要扮演天才鋼琴家都唔容易，由手勢、姿態，舉手投足都要演到同真正鋼琴家一樣，加上佢當時拍完一套戲之後，相隔不足一個月就要開拍呢部主演鋼琴家角色電影，期間只能盡量學習及努力模仿，幸好劇組都滿意佢表現收貨。
D.O. 話畀肉麻對白考起。
宣傳當日現場有大批粉絲撐場，D.O. 亦特別分享一個震撼消息，即場透露將會推出新歌，呢個驚喜令全場粉絲嘩然。