李玟50歲生忌｜李媽媽悲痛為愛女紀念雕像揭幕 二家姐李思林致詞時數度哽咽

1月17日係已故華語天后CoCo李玟50歲生忌，CoCo高齡87歲嘅媽媽、大家姐李秋林Carol、二家姐李思林Nancy特登飛去台灣，聯同眾多歌迷齊聚紀念園，為CoCo嘅雕像揭幕。
李媽媽由家人攙扶到場。
雕像造型係CoCo坐喺月亮上，重現當年喺奧斯卡頒獎禮獻唱《月光愛人》一幕，現場所有人都忍唔住淚流滿面，尤其李媽媽更因悲傷而唔敢直視雕像，刻意擰轉身頻頻落淚嘅畫面，令人悲傷心痛。
李媽媽一直避開唔敢睇李玟嘅雕像，令人心痛。
二家姐Nancy代表家人上台致詞時更數度哽咽，佢指人有兩次死亡，一次是肉體上，但真正嘅死亡你當所有人都將你忘記，不過佢相信唔會發生喺CoCo身上。Nancy又指50年前嘅今天，一位注定成為華人巨星嘅天后誕生，而講到呢度佢發現台下嘅媽媽默默落淚，於是轉為幫媽媽打氣：「謝謝媽媽，媽媽加油，一起給媽媽鼓勵。」現場眾人亦齊齊為李母打氣。
眾家人於台下泣不成聲。
之後Nancy哽咽表示：「雖然今天的慶生會，我們最愛的主角無法參與，但是我相信此時此刻，妹妹都與我們同在，她能感受到大家對她的愛與支持。」
二家姐李思林代表家人上台致詞時，亦數度哽咽。
CoCo於2023年7月離世，至今已經年半，Nancy話日日都好掛念CoCo，但顧及老人家感受，唔敢同媽咪分享對細妹嘅思念，同時冇諗過50歲妹妹就不在了，Nancy指喺CoCo生前，自己時常同妹妹講自己比佢大，所以一直叫CoCo要努力活著，因為二姐一定比佢早走，但冇諗過連同佢說生日快樂都已經無機會。Nancy又指每天都會上香畀妹妹，又指可以感受到對方陪伴喺身邊。
李玟嘅歌迷齊齊大合唱，為天上嘅偶像送上祝福。
另外，歌迷亦特登準備蛋糕同氣球，齊齊大合唱CoCo嘅歌曲《You & I》，為天上嘅偶像送上祝福，場面感人。