戴祖儀3個月大出演電影與任達華合作 28年後電梯偶遇前輩

年度盛事《萬千星輝頒獎典禮2024》周日（1月19日）圓滿舉行，任達華頒發「最佳女主角」亦成為當晚焦點，今年3月踏入70歲嘅華哥，仍然保養得宜，型男駕到！當然吸引唔少人邀合照，當中有一向搞笑嘅戴祖儀，佢更問華哥記唔記得二人曾經合作過，華哥卻完成零印象！？

戴祖儀問華哥記唔記得二人曾經合作過，華哥卻完成零印象！？
華哥喺電梯偶遇戴祖儀，先發現二人一早合作過，華哥喺28年前拍電影《我是一個賊》，當時戴祖儀只係3個月大。戴祖儀今日凌晨喺社交平台曬出合照，並寫道：「事隔28年的合照🥰 ，頒獎禮一完結就喺lift度遇到任達華前輩，然後就同佢講『我BB仔嘅時候同你拍過戲😳』， 佢好驚訝 『真係㗎 ？邊套啊？』。」

華哥喺28年前拍電影《我是一個賊》，當時戴祖儀只係3個月大。
戴祖儀開估係1995年拍電影 《我是一個賊😳》，其他工作人員聞言即幫佢哋影合照，戴祖儀笑指開心，覺得係偶遇緣份；咁又難怪華哥唔記得，事關華哥當年喺套戲係講潛入醫院想偷偷地帶走初生兒子，面對眾多BB唔知誰邊個先係親生骨肉，誤以為一個食手指嘅BB就係阿仔，當時戴祖儀出演時未夠3個月大。

《我是一個賊》講任達華同邱淑貞飾演雌雄大盜劫富濟貧，更誕下一名兒子。
森美見到戴祖儀呢個post即笑指「你以前嘅演技好啲😂😂😂」，戴祖儀反擊：「大伯你最近係咪又好悶啊。」唔少網民亦叫華哥好似拍戲咁抱起戴祖儀影相，另有網民留言「嘩咁細個就拍戲仲要隔咁耐重遇」、「用到BB仔呢招🤨冇得輸呀」。

華哥當年喺套戲係講潛入醫院想偷偷地帶走初生兒子，誤以為一個食手指嘅BB就係阿仔，呢個就係BB時期嘅戴祖儀。