楊千嬅巡演廣州站完美收官 螢幕CP周柏豪驚喜獻身合唱

楊千嬅 嘅巡演歷經一年半，日前終於去到尾站廣州舉行第53場演出，最後一場千嬅竟然將成個表演內容大反轉，由尾唱到頭，寓意結束亦係一個新開始。今年係千嬅出道30周年，多年來佢累積咗唔少經典歌曲陪歌迷成長，每一首都盛載滿滿回憶，無論係《野孩子》、《河童》或者《最好的債》，千嬅唱起上來特別感觸，而歌迷亦可以喺歌中搵到自己嘅共鳴。

楊千嬅嘅巡迴經過53場演出之後終告一段落
千嬅呢晚仲請到衛蘭、Aga江海迦，以及之前《多功能老婆》嘅螢幕CP周柏豪擔任嘉賓，令粉絲相當驚喜，柏豪仲特登由北京趕到廣州撐場。千嬅分別同三位嘉賓合唱《煉金術》、《少女的祈禱》同《上善如酒》，令歌迷大飽耳福。
廣州站仲分別邀請到幾位嘉賓演出，好似有AGA

近期參加《聲生不息》嘅衛蘭

仲有《多功能老婆》嘅好拍檔周柏豪

千嬅嘅廣州站巡唱完美結束，佢同團隊經歷21嘅月嘅奔波，終於可以好好休息下，陪屋企人過年，而千嬅之前錄好嘅新歌就會陸續推出，相信歌迷都好期待。