布志綸吳崇銘炮製單戀苦情歌 二人於廢車場展現男人味

音樂企劃《A.N.L.S.》嚟到第三彈，今次有 Alan布志綸 同 KING吳崇銘 聯手合唱、大訴單戀之苦嘅新歌〈你知否我是誰〉。Alan同KING指呢首歌就好似兩個有相同經歷嘅人互相理解訴說經歷咁，又指好多時好多嘢只係兄弟先會知，Alan表示：「有少少同病相憐，係一個 Men’s Talk！」佢哋又指呢首歌適合一眾女士細聽，因為聽完可以理解男士嘅心聲。
布志綸 同 吳崇銘 炮製單戀苦情歌。
曾為樂隊主音嘅 Alan ，表示自己好少同男聲合唱，所以今次同KING嘅合作係一個全新體驗，佢又指對方嘅高音域同自己嘅沉實低音互補長短，令呢次作品嘅層次豐富。而KING則驚訝佢哋合唱把聲可以唱到好似一個合唱團咁。
Alan布志綸
今次新歌MV喺元朗廢車場取景，Alan 同 KING化身維修員，一齊收拾廢車場入面嘅破爛零件，Alan講笑咁話：「導演都覺得我哋同啲零件一樣都係被廢棄，所以要喺度拍！」其後Alan認真解釋，指佢哋喺MV中飾演嘅維修員，代表雖被廢棄但亦能作出修補。而KING則指今次拍攝場地可以充分展示佢哋嘅「男人味」。
 KING 吳崇銘