祥賭必贏｜阿Sa好友求買霆鋒門票愛莫能助 張繼聰生日收老婆情歌喊足幾日

下星期就送龍迎金蛇， 張繼聰 蔡卓妍 朱栢康 謝安琪 等主演嘅賀歲新片《祥賭必贏》，呢日舉行首映，打麻雀係新片其中一個主題，而自細已經識打牌嘅阿Sa，今次過足癮之餘，仲話往後要結識更多新一輩青春雀友，因為牌腳已經支持唔住佢嘅戰力咁話呀。

以賭為主題嘅賀歲新片舉行首映
謝霆鋒 早前突發宣佈將於啟德體育園開騷，連阿Sa都不斷被身邊朋友追問求代定門票，不過一樣話愛莫能助，仲叫大家試試用信用卡定購喎。
阿Sa對大家爭相定購霆鋒門票愛莫能助

阿聰同 吳家忻 於片中係兩兄妹，而朱康就扮演男友，夾起兩個無聊爆嘅多年老友中間，家忻就不時頂唔順焗蟹爆笑喇。阿聰仲笑指同朱康係瘋狂一族，但係呢個妹妹都唔係正常人士喎。
影壇新手Kayan9896面對朱康同阿聰嘅無厘頭，完全無力招架

客串嘅 洪嘉豪 於片中係阿Sa嘅老友，一向係對方Fans嘅嘉豪，由過往只係聽歌相聚，到今次拍戲對手，就指開心到難以置信喇。
客串演出嘅洪嘉豪同阿Sa合作形容為夢想成真

阿Kay嫁予阿聰18周年，早前獲對方作Rap歌賀壽，呢日阿聰就話感動足足幾日喊唔停，呢日都係因為首影先至強裝堅強見記者咁話。

阿聰聲稱收到Kay作嘅歌感動到喊足幾日