第18屆亞洲電影大奬丨洪金寶擔任評審主席 期待出演愛情電影求突破

電影界盛事《第18屆亞洲電影大獎》將於3月16日舉行，屆時於82台TVB plus 以及 MyTV Super播出。大會今年好榮幸邀請到香港影壇「大哥大」洪金寶擔任評審主席，談到評審工作睇法同基準時，大哥大坦言欣賞電影係一件非常主觀嘅事情，每個人都有自己嘅感受同看法：「所以我在評審時，會很坦白地表達自己的觀點，給予紮實的評價。我相信這是對創作者的尊重。」

《第18屆亞洲電影大獎》將於3月16日舉行，大會今年好榮幸邀請到香港影壇「大哥大」洪金寶擔任評審主席。
大哥大強調評審不僅只係表達觀點，更需要係彼此交流。喺片場工作多年，佢學會一件事「電影是團隊合作的藝術」，大哥大話「無論係拍戲還是評審，都唔係一個人嘅決定。我會聽取其他評審嘅意見，大家一齊討論，因為每個人都有自己嘅專業見解。我希望最終嘅決定，係大家都認同。」

大哥大強調評審不僅只係表達觀點，更需要係彼此交流。
多年嚟嘗試過各種動作電影題材，不過大哥大依然希望喺未來挑戰自我，而佢想嘗試嘅主題係令人驚喜：「我對愛情電影好有興趣，呢種係我從未嘗試過嘅方向。」事實上，洪金寶曾經喺1989年嘅電影《八両金》中涉足愛情題材。該片由張婉婷執導，講述一名移居美國多年嘅華裔移民回鄉，佢同張艾嘉合作，演繹從童年歡喜冤家逐漸走向愛情嘅故事，而該片為大哥大贏得「第9屆香港電影金像獎」《最佳男主角》提名，成為經典之作。

洪金寶曾經喺1989年嘅電影《八両金》中涉足愛情題材。
講到動作電影嘅價值時，佢話：「動作電影唔只呈現動作場面，每個動作背後都要有力量同情感表達，真正做到文武雙全。」作為一個導演、一個演員、動作指導同監製，佢提到動作電影能拉近世界各地之距離，令世界大同。因動作電影嘅包容性，同喜劇、驚悚甚至愛情元素結合，展現無限嘅創作空間，並期盼未來能見到更多突破傳統嘅動作電影。

大哥大依然希望喺未來挑戰自我，而佢想嘗試嘅主題係令人驚喜。