張景淳獲歌迷辦生日派對 羅天宇李興華專程返港送驚喜

1月23號係張景淳44歲正日生日，生日前夕一班歌迷特登幫佢搞咗個生日會，準備蛋糕及鮮花為佢慶祝生日，仲悉心安排兩位特別嘉賓羅天宇同李興華出現送上驚喜。
張景淳與fans舉行生日會。
天宇同興華分別由澳門同內地搭咗兩個鐘車趕到現場為張景淳慶祝生日，果然係好兄弟，佢哋仲帶領全場fans合唱生日歌同度身訂造嘅生日祝福。
興華 同 天宇 專程返港為 好兄弟張景淳慶生。
張景淳新一年嘅目標係繼續工作順利，《愛‧回家之開心速遞》長拍長有，同埋各位身體健康。其實張景淳呢日係抱病出席，雖然把聲有啲沙，不過佢依然落力獻唱答謝粉絲支持，因為呢次係佢首度跟粉絲慶祝生日。
生日會上張景淳開口獻唱。張景淳