何依婷懷孕6個月舉行BB性別揭曉派對 大部分賓客投票估佗B女？

何依婷目前懷孕6個月，工作減產專心養胎，不時喺社交平台分享靚相同生活點滴，今日佢喺IG動態曬出BB性別揭曉派對，好友陳詩欣、陳懿德及蔡嘉欣等亦有現身，見佢哋分別身穿藍色或粉紅衣物，以藍色代表男嬰、而粉紅色就代表女嬰，估吓何依婷佗嘅BB係仔定女！

何依婷目前懷孕6個月，今日佢喺IG動態曬出BB性別揭曉派對。
何依婷肚凸凸兼上圍升級，見佢手腳依然纖瘦，開心同賓客影相，而派對現場以粉藍同粉紅氣球佈置為主，滿滿嘅儀式感，蔡嘉欣同陳懿德都身穿粉藍衣物，一齊估何依婷佗仔，而好友蔡嘉欣仲讚何依婷佗B都咁靚。

派對現場以粉藍同粉紅氣球佈置為主，滿滿嘅儀式感。

蔡嘉欣同陳懿德都身穿粉藍衣物，一齊估何依婷佗仔。
照計何依婷應該喺派對上向賓客宣布肚裏BB嘅性別，見佢有一個貼紙板，大部分賓客投票都估佢佗Ｂ女，唔知結果會唔會爆冷，不過呢位準媽媽仲想保留一啲神秘感，等網民估吓，何依婷就透露要聽日先揭曉！

好友蔡嘉欣仲讚何依婷佗B都咁靚。