權相佑搞笑新片狂捧李伊庚 親邀好友崔智友出演爽快答允

權相佑 鄭俊浩 李伊庚 黃雨瑟惠 等主演嘅爆笑動作新片上映，呢日齊齊參與宣傳活動，近年表現亮眼嘅李伊庚，仲獲前輩大讚表現，仲被形容為可以獨當一面，甚至兩位前輩自嘲可以退位讓賢俾佢擔正咁話。

權相佑同鄭俊浩呢日激讚李伊庚嘅表現
權相佑呢次演出，仲出動人情牌邀請好友參與，其中同佢係經典CP嘅崔智友亦特別現身，呢日佢就公開感謝好友拔刀相助，仲話對方一口心應承非常爽快。

仲提到崔智友非常爽快就答應客串演出
而同Oppa扮演一對夫婦嘅黃雨瑟惠，片中亦出盡力搞笑，令經驗豐富嘅權相佑亦不時笑場NG，仲話因為片中動作場面自己有流血鏡頭，雖然拍攝時痛苦，不過觀眾笑得開心就乜都抵返晒咁話呀。