黎諾懿一家三口遊北海道遇反常少雪量 頂硬上陪小春雞滑雪

唔少星爸星媽趁住農曆假帶小朋友出遊，黎諾懿同太太李潔瑩帶咗大仔「小春雞」黎峰睿去北海道旅行，媽咪李潔瑩（Nicole）仲喺限時動態分享一家三口去札幌近郊嘅滑雪相。諾懿曾表示小春雞喺室內雪場學過滑雪，一直希望體驗戶外滑真雪。

黎諾懿同太太李潔瑩帶咗大仔「小春雞」黎峰睿去北海道旅行。
呢趟親子旅行重點行程就係為咗滿足小春雞滑真雪嘅願望，諾懿同太太雖然識滑雪，但諾懿事先有講過怕受傷，只會負責從旁監督，但相中見到諾懿全副裝備，相信佢要硬住頭皮陪阿仔滑雪，大合照時神色略顯緊張，相反小春雞就好享受擺晒甫士。

呢趟親子旅行重點行程就係為咗滿足小春雞滑真雪嘅願望。
Nicole亦有貼文分享佢哋遇上札幌18年嚟至少雪嘅一月份，市區幾乎冇積雪，因為冇新雪落嘅關係，郊區滑雪場嘅雪質變成刨冰狀，有別於大家嚮往嘅北海道粉雪；如果喺刨冰狀嘅雪量上跌倒亦相當之痛，Nicole自爆狠狠摔倒兩次，好彩有戴頭盔。為咗安全起身，Nicole亦取消餘下嘅滑雪行程。據知近日北海道出現天氣反常，札幌氣溫相當於往年3月中旬嘅水平，一度中斷雪祭雪雕製作。

Nicole喺一個星期前透露大仔「菌王峰」喺打完流感疫苗幾日後中招。
其實黎氏一家出發前仲遇到一個大難題，就係小春雞中甲流，Nicole喺一個星期前透露大仔「菌王峰」喺打完流感疫苗幾日後中招。經過一段時間好好休息，阿仔亦好快康復，活力十足去北海道滑雪。