文凱玲首以人母身份過年 與夫偕寶貝女影賀年相紀念

去年同圈外老公結婚，7月就誕下BB女嘅 文凱玲 ，一年完成兩件人生重要大事，雖然急趕不過就幸福加倍，雖然Iyla出世時屬早產B，不過約半歲大嘅小公主目前已經肥肥白白，近照仲識望鏡頭微笑，令Connie同老公Jason都非常安心。

Connie去年嫁人再升呢人母，話咁快囡囡已經半歲大喇
雖然Connie係新手媽媽，不過就大部份時間都係自己盡全力湊BB，爸爸放工後同放假時亦會幫手。而小公主Iyla眼瞓同肚餓就會搵媽媽，想玩就會搵爸爸。
首次一家三口過年，佢同老公就決定要隆重拍攝一輯賀年相紀念

今年係佢哋一家三口首次度過新年，而首次以父母身份過年嘅Connie同老公就認為要好好紀念，特意準備賀年家庭裝拍攝新年照。拍攝時Iyla仲不斷想將是道具桔放入口，搞到全場Connie同Jason不斷講：「呢個唔係食㗎」，非常搞笑 。
Iyla非常哥愛，似足媽咪有一對明亮大眼睛

自分娩成為人母之後，Connie每日都會為囡囡拍大量相片同視頻，仲開設社交平台帳號。為記錄寶貝女嘅成長片段，仲開始學剪接。雖然BB只係幾個月人仔，但係Connie已感嘆幾個月變化已經非常大。

Connie為紀錄囡囡成長，唔止日夜狂影相，仲學剪片留紀錄