電影泉攻略丨蔡卓妍扮長輩展開「靈魂拷問」 阿聰示範點去應對！丨EP140

今集《電影泉攻略》王鎮泉 Jeoffrey就邀請蔡卓妍（Sa）同張繼聰宣傳新片《祥賭必贏》，教你哋點樣面對長輩嘅「靈魂拷問」，譬如賺幾錢一個月、結婚生仔未等，由阿聰為大家示範點去應對！？
 蔡卓妍
今個禮拜新片速遞有《祥賭必贏》講病態賭徒文菁同討厭賭博嘅全守正閃婚後，參加戒賭治療班，富二代賭神Ian為咗報復，挾持守正妹妹同文菁弟弟喺非法賭場，文菁為咗營救二人，再次破戒，聯同守正與Ian展開終極一賭。
《麻雀女王追男仔》講龍家村村長龍卷峰育有三女一子，大家姐小東係「天生麻將狂」，偏偏戀上最憎人打麻雀嘅科學家男友馬壯，三個女兒各有戀情，誰知真相峰迴路轉，暗藏一個驚天秘密！
張繼聰
《封神第二部：戰火西岐》講姜子牙、姬發帶隊堅守西岐，家園保衛戰一觸即發，鄧嬋玉、聞仲奉商王殷壽之命，率魔家四將等殷商大軍徵伐西岐，西岐一方得殷郊、雷震子、楊戩、哪吒等相助，更聚全民之力守衛家園。兵戈相對、法術交鋒，兩大陣營掀起強強對決，關於「封神榜」嘅爭奪正在繼續..

《完美伴侶》一開始充滿浪漫氣息，但隨着故事推進，氣氛逐漸變得詭異同驚悚。到底華麗場景、露骨見血的暴力場面，接連刺激感官、各人關係背後隱藏啲乜？劇情撲朔迷離，冇人估到背後發生過咩事！

《柏靈頓：秘魯大冒險》講柏靈頓出發探望住喺退休熊之家嘅姨姨露西。一到埗發現露西姨姨竟然失蹤，柏靈頓與布朗家族一齊四出尋找露西，深入亞馬遜叢林、穿越秘魯高山，展開一場上山下水嘅驚心動魄大冒險。

《射雕英雄傳：俠之大者》講恩怨情仇嘅江湖，權勢角力嘅戰亂時代，郭靖童年離別家鄉，逐漸煉就可改變局面同命運嘅龐大力量，得傳天下絕世武功，惹嚟各方憤世嫉俗，成為眾矢之的。郭靖同黃蓉力挽狂瀾，保護南宋邊關，成就武林傳說。

《臨時決鬥》曾叱咤澳門泰拳界嘅傳奇拳王鍾磊創立拳館訓練拳手，廣告界女強人林雪意外發現男友 Daniel有外遇，而對手係澳門女拳王孫雅雲，好勝心強嘅林雪狠下戰書，喺擂台上決一勝負。向鍾磊拜師學拳，究竟呢場「臨時決鬥」最後誰贏誰負。

至於本周票房龍虎榜截至2025年1月29號中午，第三位《破・地獄》；第二位《劇場版「進擊的巨人」完結篇THE LAST ATTACK》；第一位《誤判》。