周潤發謝票魅力席捲廣州 出神入化演技獲讚最大亮點

今年香港賀歲片檔期好熱鬧，內地不遑多讓，尤其周潤發有份參演嘅《唐探1900》開畫首日大收超過四億人民幣，票房累計衝破7億人民幣，超越同期上映嘅大熱電影《封神第二部》同《射雕英雄傳》，特別出演嘅發哥更獲內地觀眾大讚演技出神入化，係電影票房大收嘅最大功臣，發哥喺戲中黑幫大佬造型氣場懾人，獲內地觀眾讚「戲勢」迫人。

周潤發有份參演嘅《唐探1900》開畫首日大收超過四億人民幣，票房累計衝破7億人民幣。
大年初一發哥聯同導演陳思誠、戴墨，男主角王寶強、劉昊然等親自去到廣州謝票，發哥除咗分享對角色嘅睇法，仲用廣東話同大家拜年，當然都不忘同幸運粉絲即場selfie，現場觀眾驚訝發哥貴為超級巨星竟然咁親切。身為發哥超級迷弟嘅王寶強同劉昊然，可以同呢位神級前輩合作，直頭話係夢想成真。

發哥喺戲中黑幫大佬造型氣場懾人，獲內地觀眾讚「戲勢」迫人。
而觀眾對發哥喺戲中嘅演出更加係清一色好評，大讚佢嘅演技精湛又有感染力，仲有觀眾表示電影故事本身略有不足，不過發哥嘅魅力足以彌補一切。

觀眾對發哥喺戲中嘅演出更加係清一色好評，大讚佢嘅演技精湛又有感染力。
眾所周知發哥係跑步發燒友，據知拍攝電影期間，發哥日日朝早七點鐘就相約王寶強一齊跑步，除此之外仲節食戒口保持體態，王寶強喺接受媒體訪問時大讚發哥敬業精神一流，係後輩嘅絕佳榜樣。

眾所周知發哥係跑步發燒友，據知拍攝電影期間，發哥日日朝早七點鐘就相約王寶強一齊跑步。發哥除咗分享對角色嘅睇法，仲用廣東話同大家拜年，當然都不忘同幸運粉絲即場selfie。