宋慧喬新戲扮修女被祈禱文考起 大讚拍檔李陣郁有反轉魅力

宋慧喬、李陣郁、全余贇等主演嘅新戲近日上映造成唔少話題，口碑同票房不負眾望，呢日幾位演員出席宣傳活動，喬妹以短髮新造型現身，令人眼前一亮。工作不斷嘅喬妹除咗宣傳新戲，又要出任品牌代言大使，近期同男神孔劉合作嘅新劇亦如火如荼拍攝中，原來呢個短髮look就係新劇造型。
宋慧喬、李陣郁、全余贇等早前為主演電影宣傳。
喬妹近年戲路越來越多變，今次套新戲佢就飾演修女，佢自爆壓力好大，拍攝期間劇本不離身，而戲中有大量祈禱文對白，更加係一大考驗，喬妹話自己拍攝期間時時刻刻練習，甚至發夢都會夢到對白添。

喬妹今次嘅對手係男神級嘅李陣郁，喬妹話開拍前以為對方性格冷漠，估唔到真正相處先發覺佢好幽默，拍攝期間有好多歡樂回憶，反轉魅力令人驚喜。