中聲3上演27強勁歌悲歌對決第二回 李金凱見偶像黃凱芹即場語無倫次

《中年好聲音3》本週日上演27強勁歌悲歌大對決第二回，侯靜伊要對決實力堅強嘅Dan James同劉曉昆，佢就揀咗孫燕姿嘅悲歌《我懷念的》來應戰，靜伊話細個曾經有段時間住喺醫院，當時經常聽呢首歌，所以好容易投入情緒，不過佢亦擔心情緒太飽滿反而會失控，所以要好努力控制。
阮慧珊侯靜伊
阮慧珊就挑戰勁歌組別，佢揀咗鄭秀文嘅《神奇女俠》兼加入舞蹈，佢就好擔心又唱又跳難度太高，所以連比賽前一日都仲調整緊舞步。
李金凱
李金凱呢個回合就選唱偶像譚詠麟嘅《那些感動過人的歌》，咁啱嘉賓評判黃凱芹係佢另一位偶像，所以佢完全放低比賽壓力，反而變成追星族，金凱話過去曾翻唱黃凱芹嘅歌，喺網上點擊率高達三、四百萬，所以今次見到偶像真人，直頭開心到語無倫次咁話。