父母留港過年與未來女婿相見歡大馬視后張曦雯備利是狂派多如磚頭

於《企業強人》扮演霸道女總裁同龔嘉欣惡鬥嘅張曦雯，早前憑呢次扮演女強人「宋翹」一躍而成大馬視后得主，今年先後憑《再見．枕邊人》同《廉政行動2024》入圍爭視后，唔止男友Mark出晒Post落力幫手拉票，更早已預告經營珠寶生意嘅父母會由美國返港參與頒獎禮。

張曦雯早前憑《企業強人》獲得大馬視后

長居美國嘅Kelly父母早前已返港見證囡囡成就
近日Kelly亦同父母齊齊留港共度新歲，更公開同外籍COO男友仲有父母嘅合照。已同男友Mark拍拖8年嘅佢，早已同居北角3千萬豪宅多時，佢仲更曾提過，如果今次頒獎禮成功得獎，就有機會可能向對方反求婚，意指早已認為Mark為心中最愛。
父母仲留港一齊過年，同未來女婿Mark齊齊出動行大運