具俊曄終接聽電話悲痛稱：「我不太好」導遊列出大S患病時間線

台灣藝人大S徐熙媛今日突然傳出於2號早上因流感併發肺炎而猝逝，消息震驚娛樂圈。大S離世消息傳出後，媒體都紛紛聯絡其丈夫具俊曄，但對方一直未有接聽電話，令大家擔心其狀況。
大S老公具俊曄嘅情況令人憂心。
韓國媒體《日間體育》於3號發文表示，剛與具俊曄取得聯絡，對方於電話訪問時，當聽到記者提起大S離世一事，即難以抑制悲傷，坦白表示：「我不太好」。提到有人因消息過於震驚，懷疑離世一事是假新聞，具俊燁語帶哀傷地表示遺憾：「這不是假新聞」。雖然訪問只有幾句，但韓媒表示已感受到具俊曄嘅無助與悲痛，無法接受太太大S突然離世一事。
具俊曄接受韓媒電話訪問。
另外，網上有自稱係喺日本接待大、小S一家嘅導遊，列出大S由病發到離世嘅時間線，對方指大、小S一家於1月29日大年初一抵達日本，當時大S已出現咳嗽及哮喘症狀，該導遊指呢個時間已初步判斷大S已患上流感，但當時眾人未有注意，並展開箱根嘅溫泉行程。
具俊曄係出名嘅愛妻號。
其後兩日大S身體持續不適，直到31號晚由救護車接走，導遊指呢個時候大S已經相當嚴重，直到後半夜先出院。2月1日導遊帶全團人返回東京都，當時導遊帶大S去咗一間小型診所就醫，但因為無法確定病情，故被轉介到另一間大型醫院，同時亦確診患上甲型流感，但對方當時未有留意，拎咗藥就離開，直到2號凌晨，大S情況突然惡化，於是再叫救護車送院，可惜搶救無效，大S喺家人陪同下於2號早上7時離世，導遊形容當時眾人「哭到無法言語」。

由於日本法律規定，遺體必須於2-3日內火化，而大S遺體將於今日喺日本火化。
有網民將日本導遊講嘅時間線翻譯成中文。