獨家丨韓團GOT7難得合體開騷賀出道11年 王嘉爾騷麒麟臂與Mark互淋水

韓國7人男團GOT7成員經已簽約唔同經理人公司，最近七子排除萬難，相隔4年再度全員Comeback，合體推出新碟回歸樂壇，更喺首爾一個音樂節舉行一連3日演出，與粉絲一同慶祝出道11年。
GOT7 合體開騷。
王嘉爾（ Jackson）上月尾因胸痛入院一度停工，佢呢日病癒後亮相GOT7首爾演唱會，令唔少粉絲放下心頭大石，Jackson與隊友喺台上勁歌熱舞，七子活力十足， 大熱歌曲掀起回憶殺，Jackson中途仲興奮大騷麒麟臂，令現場觀眾尖叫聲不絕。
Jackson與隊友喺台上勁歌熱舞。
GOT7成員獻唱全新主打歌，呢首新歌MV上線一個鐘瞬間吸view十三萬，呢日七子配合新歌風格，以全黑打扮獻唱呢首歌，GOT7成員又各自精心準備Solo舞台，讓觀眾大飽眼福。
七子好珍惜呢個難得喺舞台相聚嘅機會。
七子好珍惜呢個難得喺舞台相聚嘅機會，去到演出會結尾，成員阿Mark更一度感動落淚，喊住感謝粉絲一直以嚟嘅支持。阿Mark無耐就收拾心情，幾位成員互相淋水，又走向觀眾席同大家狂歡。