40歲楊秀惠再度榮升人母成功追仔 湊成好字曬孕照「肥胎唔肥人」

40歲楊秀惠喺年初七人日報喜，宣布誕下「龍B」成功追仔，楊秀惠近年轉營從商，早喺2019年與圈外男友葉世揚，結束7年愛情長跑，早喺外地秘密註冊，婚後先後誕下兩個女兒，今日宣布喜訊第三度榮升做媽媽。

楊秀惠今日宣布喜訊第三度榮升做媽媽。
楊秀惠懷孕非常低調，見佢早前喺社交平台未有曬出孕照，等待兒子出世先報喜，佢今日先喺社交平台貼出多張近照，貼出醫院抱B相並留言：「很高興在農曆新年前迎接了新的家庭成員回家，我們全家人都很開心，兩位姐姐都很高興多了個龍弟弟🐲陪他們玩。多謝所有醫生和護士的幫忙，一切都非常順利。 感恩感激❤️祝大家新年快樂✨人日快樂🌸」

楊秀惠懷孕非常低調，見佢早前喺社交平台未有曬出孕照，等待兒子出世先報喜。

相中見楊秀惠懷孕時期「肥胎唔肥人」，四肢纖瘦仍然好省鏡，更流露出滿面母愛、幸福滿溢。
陳煒、胡杏兒、唐詩詠、林子善、岑杏賢、黎芷珊、曹敏莉、張美妮、龔嘉欣、岑麗香及朱千雪等圈中好友紛紛留言送上祝福，楊秀惠喺2019年同圈外男友秘婚，逐漸淡出幕前，專心經營美容王國，佢喺2020年於馬來西亞秘密誕女，2022年再誕下次女，現在再宣布阿仔出世。

楊秀惠喺2019年同圈外男友秘婚，逐漸淡出幕前，專心經營美容王國。

楊秀惠仍有跟圈中好友保持聯絡。