劉穎鏇開工唱歌應節 被批蛇年會大紅大紫

劉穎鏇 以一身火紅晚裝亮相商場出席賀年活動，甚少唱歌嘅Tiffany大唱賀年歌《財神到》搞氣氛，Tiffany自覺歌藝有限，但係佢都保持甜美笑容，向市民狂講祝賀說話之餘，又請街坊接唱，令全場相當開心。

Tiffany呢日參與新春活動，仲現場為大家獻唱
作為蛇年首個工作，Tiffany好開心可以同街坊熱鬧度過，感受過節氣氛。作為乖乖女嘅佢新春期間都係同家人度歲享受家庭樂，雖然要Keep Fit但係佢都無戒口年糕蘿蔔糕照食，更自認鐘意宅在家未有四圍去，不過對利是進帳大為滿意，希望開工後陸續有來。
同場合嘅七師傅仲指Tiffany今年事業將發展非常好

同場仲有七師傅七仙羽傳授開運貼士，佢更預測屬牛嘅Tiffany蛇年會大紅大紫，而呢日去採訪嘅主播黎文傑亦係三大好運生肖之一，七師傅指屬雞、牛同鼠朋友蛇年運勢旺，黎文傑仲被七師傅傳授催旺財運大法，提議將零錢同金元寶放喺米缸，將兩個米缸放喺南同西南方，提升正財同催財運。