富貴千團丨師奶仔湯洛雯進擊色誘黃子恆 親解「隆胸」效果秘技

湯洛雯喺TVB劇集《富貴千團》入面由一位普通嘅師奶仔，搖身一變成為但求目的而不擇手段嘅女人，喺2月8號晚播出嘅第8集劇情，靚湯仲犧牲色相去色誘黃子恆，成個過程仲要係靚湯採取主動變成進擊的女人。
靚湯生擒黃子恆
對手黃子恆被佢嚇咗一跳變成怕醜仔，靚湯話事前劇本冇咁多描述，而佢哋對戲時就加咗啲激烈動作，令子恆有啲尷尬，子恆話未見過咁主動嘅靚湯，所以有啲唔習慣。
靚湯喺劇中挑戰親密戲。
靚湯話以往監製們一直唔會搵佢拍呢類嘅角色，不過佢覺得無問題，只會視作為工作過程，加上跟黃子恆係相熟，成個過程好信任大家。喺拍攝過程靚湯就全程投入，事後就唔敢睇回帶，反而黃子恆就有睇，仲讚拍出嚟畫面好靚。
靚湯指同黃子恆相熟，所以成個拍攝過程都好信任大家。
劇中仲講到靚湯身材由平平無奇變大，佢話其實劇情冇話隆胸而變大嘅效果，反而係拍攝初期束胸，之後放鬆變自然嘅差距，黃子恆即笑指靚湯正常狀態尤如隆胸一樣。