莊錠欣香港開騷獲繼母朱千雪撐場 透露已回巢拍攝TVB劇集

 莊錠欣 以韓國女團CLC成員身份出道後，近年單飛喺華語樂壇發展，早前仲返香港開佢首個個人迷你演唱會，除咗有家姐莊易羚支持，同台灣歌手 阿沁 任嘉賓之外，當年喺劇集《ON CALL 36小時II》中飾演Elkie繼母嘅朱千雪亦有捧場。

Elkie早前首次在港開騷，邀請「媽咪」朱千雪到場欣賞
Elkie專登獻唱劇集歌，佢話當日唱起首歌，再望住Tracy，突然之間所有回憶返晒來，搞到自己好想喊，不過因為唔想整花個妝唯有忍住。
外闖多年嘅佢話當晚感觸到幾乎喊出嚟

踏入蛇年，Elkie就話希望多啲推出廣東歌，亦希望幫其他歌手寫歌。童星出身嘅佢原來已經靜靜雞回巢TVB拍攝新劇，對於角色佢就大賣關子，不過就透露自己因為入戲太深，搞到屋企人都有啲擔心。

原來佢早前已秘密參演TVB新劇