梁芷珮跑馬拉松獲子女捐利是支持 新節目訪南美洲挑戰懸崖酒店

成日周遊列國嘅 梁芷珮 難得現身香港出席活動，原來佢會參加星期日舉行嘅馬拉松，Christy會同老公一齊代表慈善團體和諧之家參賽，為家暴受害者籌款，Christy話最開心就係自己三個小朋友都捐出利是錢支持媽咪。

Christy聽朝就會代表慈善機構參加渣馬10公里賽事籌款
Christy話因為要keep好參賽狀態，所以過年期間唔敢放肆飲食，蘿蔔糕年糕都唔敢食太多，而且因為跑步唔係自己專長，所以假期都有加操，希望可以順利跑完10K。

仲會同老公齊齊上陣比賽完嘅佢亦都冇時間休息，因為第二日就隨即要出發拍攝《南美潮什麼》，Christy預告今次旅程長達38日，會去3個國家，仲有好多高難度行程，包括去海拔5000呎嘅地方行山、住懸崖酒店等等，而佢自己最期待就係去巴西參加嘉年華，感受呢個傳統活動嘅熱鬧氣氛。

緊接佢哋就會出發去南美三國拍攝新一輯《潮什麼》喇