洪嘉豪預告將有炸爆舞台演出 期待「欣賞」同公司歌手排舞情況

新年期間食唔停，相信唔少人都會因而幸福肥，但係洪嘉豪就剛剛相反瘦咗，因為佢話自己新年期間冇咩拜年活動，加上喺呢段時間做多咗運動，每個星期都要為足球隊練波，間中又有友誼賽，所以幫助到keep fit呀。

為手機機宣傳嘅洪嘉豪透露過年竟不肥反瘦
嚟緊將會與同公司嘅歌手一齊開騷，嘉豪就預告將會有炸爆舞台嘅跳唱環節，佢話笑言自己同MC張天賦都叫做有舞台經驗，所以練起舞嚟都叫識走位，所以佢好期待同公司其他男歌手排舞時嘅情況。
即將同唱片公司同門合體開騷嘅佢，指將會有狂舞炸爆舞台環節

踏入蛇年嘉豪喺音樂上都有唔少計劃，創作緊新歌嘅佢，就興奮表示好耐未試過做音樂做得咁開心，同樂手傾創作時連對方都興奮，所以自己相當期待呀。