張曦雯低胸裝拍廣告靚出新高度 拍《模仿人生》壓力大到跌磅

要數TVB至靚花旦，相信 張曦雯 一定榜上有名，Kelly早前以綠色低胸晚禮服上陣，拍攝新一輯廣告，大騷佢最強Body。

張曦雯一身優雅晚裝為代言品牌拍攝新廣告

佢都好多謝客戶三度請佢做代言人，又講笑話自己因為有補充品品牌加持越拍越靚。口甜舌滑嘅Kelly更話相信今年係狀態最好嘅一年，做咗品牌代言人後，一年比一年靚，都好開心繼續做代言人。 
升呢大馬視后嘅佢仲話有品牌產品幫忙自己越嚟越靚，認真識做

Kelly返香港拍完廣告後又要急急上深圳繼續拍攝新劇《模仿人生》，佢話角色對佢嚟講挑戰好大，同劇又有相隔多年回巢拍劇嘅袁詠儀、視后江美儀等好戲之人，令佢都壓力大增，拍攝時無咩胃口仲會唔記得食飯，又指拍劇期間通常都會比較瘦，所以呢次拍廣告前都無需特別節食修身。