王嘉爾經歷人性利益靠寫日記紓壓 透露全新專輯傾聽內心接受好與壞

王嘉爾嘅2025年首支單曲《High Alone》於2月13號喺全球音樂平台上線，官方MV將同步面世。 此單曲成為王嘉爾即將發行嘅第二張個人專輯《MAGIC MAN 2》首支派台作品。Jackson於2022年首張個人專輯創下Billboard 200排行榜上列第15，專輯銷量排名第3，全球播放量超過1. 23億次嘅成績。

王嘉爾嘅2025年首支單曲《High Alone》於2月13號喺全球音樂平台上線，官方MV將同步面世。
今次MAGIC MAN呢個角色將再次出現，希望大家從歌詞同MV中領略王嘉爾嘅內心情感、個人成長與音樂之旅。 《MAGIC MAN 2》專輯歷經一年幾精心打磨，係王嘉爾職業生涯中首次遠離演藝圈呢個大染缸，訴說佢出道以嚟喺圈中嘅成長故事，包括Jackson的人生、工作同情緒嘅種種經歷，希望將佢最真實一面獻畀大家。 

今次MAGIC MAN呢個角色將再次出現，希望大家從歌詞同MV中領略王嘉爾嘅內心情感、個人成長與音樂之旅。
專輯共分為四個章節，每個章節帶出Jackson喺唔同時期嘅真實經歷同內心世界； 由不被認同而狂躁不安，到失去自我深沉反思，繼而從頭自我定位而出發，誓要擺脫他人喺Jackson身上附加嘅標籤，最終透過超乎想像嘅努力搵到內心嘅平靜，而呢張專輯絕對係Jackson個人進化嘅真實紀錄，將喺2025年夏季正式面世。 

《MAGIC MAN 2》專輯歷經一年幾精心打磨，係王嘉爾職業生涯中首次遠離演藝圈呢個大染缸，訴說佢出道以嚟喺圈中嘅成長故事。
Jackson回想「MAGIC MAN」起源係為咗面對自己嘅痛苦，「它就像一個面具，代表我最黑暗的情緒和內心世界。 我曾告訴全世界『每個人都要找到專屬自己的魔法』」， 離開舞台呢一年嘅時間，佢經歷人性利益同殘酷現實，精神同身體上處於一個非常黑暗嘅狀態，甚至以為自己無法恢復。

專輯共分為四個章節，每個章節帶出Jackson喺唔同時期嘅真實經歷同內心世界。
Jackson曾經逃避、面對、被摧毁、自我沉淪、再重新振作，並嘗試接受，只能透過寫日記，記錄自己嘅所有感受，今次希望將自己嘅世界完全融入音樂中。佢透露全新專輯《MAGIC MAN 2》去面對真實，傾聽自己內心聲音，接受一切好與壞。