台中氣爆丨坂口健太郎活動宣布取消 棒棒堂阿緯逃過一劫大呼震驚

台中百貨公司新光三於13號上午發生嚴重氣爆，造成至少十多人死傷，國際大牌Prada原訂於當日傍晚舉行嘅台中專門店盛大開幕禮亦受事件影響宣布取消。受邀參與開幕禮嘅嘉賓包括日本型男坂口健太郎、范少勳、林廷憶等都確定不會現身。
坂口健太郎原定於傍晚出席新店開幕。坂口健太郎
坂口健太郎因為演出多部日劇喺台灣擁有唔少粉絲，身兼模特兒嘅佢亦係好多品牌嘅寵兒，無論國際名牌Prada，或者平價品牌Uniqlo都爭相邀請佢做代言人，今次Prada邀請佢到台中為品牌專門店開幕擔任嘉賓，大批粉絲都好期待可以見到坂口真人嘅靚仔樣，不過事件始終涉及公共安全，相信取消活動粉絲們應該都可以體諒。據知坂口本人因為有其他工作安排，所以已經提早抵達台中，雖然傍晚活動取消，但其他原定拍攝工作就不受影響。

林廷憶

至於范少勳同林廷憶嘅經理人就證實已經收到主辦方嘅取消通知，藝人目前身處台北尚未出發台中，叫粉絲無須擔心。
范少勳
棒棒堂成員阿緯喺氣爆發生後亦喺社交平台貼出全黑圖，佢透露原本自己旗下嘅餐廳都喺新光三越嘅招商名單中，後來因為某啲因素未能配合，如今見到新聞畫面佢直言太震驚，只能希望所有人都平安。

棒棒堂成員阿緯阿緯逃過一劫。