賴慰玲坐完月出關訪熊貓姊弟 細仔滿月曬大頭相超可愛

早前於香港出世嘅一對龍鳳胎熊貓BB星期日就會正式同大家見面，而上月誕下第二胎再任媽媽嘅 賴慰玲 ，日前亦已坐完月正式「出關」，呢日就帶埋升任哥哥嘅大仔Marat拜訪熊貓姊弟喇。

賴慰玲一坐完月就同大仔Marat睇熊貓
雖然細仔Kavis啱啱先滿月，不過阿賴呢日出動睇落精神就非常飽滿，仲搞笑話「我仲同🐼媽媽盈盈傾咗陣 佢已經回復生產前嘅體重💃🏻」幽自己一默，不過阿賴睇落亦唔算肥，面色更非常紅潤。
雖然啱啱先坐完月，不過Winki睇落非常精神

日前佢又抱住細仔正式宣佈Kavis滿月，仲話自己母性爆發日日狂讚兩個仔，搞到老公都冇眼睇，佢話：「由上年520知道有咗到今日元宵節💕 時間真係過得好快 一切變返九個月前咁 就係多咗個心肝寶貝❤️ 每日都不停問：點解你咁可愛嘅？ 問完大問細👦🏻👶🏻 今世果位都無眼睇我🤪」

日前又公開Kavis嘅得意相

嗰個肥面珠真係令人想咬返啖