朱慧敏做產檢曬34周巨肚 網民估第二胎佗仔？

朱慧敏喺2021年嫁心臟科醫生老公陳良貴，前年10月生咗阿女Shera，去年平安夜宣布懷孕七個月，佗第二胎將迎蛇年BB， 朱慧敏噚日喺社交平台貼出一條帶埋大女去產檢嘅影片，見朱慧敏大曬34周巨肚，而14個月大嘅阿女亦乖乖陪伴在側。

43歲朱慧敏佗第二胎將迎蛇年BB，下個月預產期。
朱慧敏踏入懷孕後期，日前佢由老公及阿女陪同下去做產檢，片中見朱慧敏睇到胎兒嘅影像不時表現興奮，當朱慧敏問阿女知唔知Baby喺邊度，阿女Shera即指住媽咪個肚，朱慧敏就讚阿女好叻，而醫生就話胎兒係長腿BB，估計目前胎兒有5磅重，仲話阿B健康良好。

醫生就話胎兒係長腿BB，估計目前胎兒有5磅重，仲話阿B健康良好。
不少網民指朱慧敏懷孕34周個肚好大，睇落好似孖胎咁，另有網民估朱慧敏第二胎生仔，紛紛留言「好似佗雙胞胎超大」、「真係戥你辛苦呀😪但你好似好輕鬆咁喎」、「第二胎咁大個肚辛苦晒🙌❤️」。

朱慧敏大曬34周巨肚，而14個月大嘅阿女亦乖乖陪伴在側。