《東張》黎寬怡出嫁主持群起祝賀 性感婚紗突顯高佻好身材

「東張女神」 黎寬怡 星期日同拍拖多年嘅圈外男友阿Sing成婚，早上舉行傳統儀式後，新人於西區一教堂舉行天主教婚禮，場面莊嚴神聖，到晚上就喺港島一酒店舉辦婚宴，19席逾230名賓客參與，當然唔少得一眾《東張》嘅主持好友啦。

貓仔同阿Sing星期日成婚

一眾《東張》同事都有參與婚宴
貓仔身穿華麗性感婚紗，以馮太太身份輕挽老金步入會場，接受一眾親友祝賀，之後又聯手切結婚蛋糕，現場亦播出8分鐘求婚片段，新娘子貓仔重溫當時片段亦再次感動落淚。
現場播出求婚片段時，新娘子感動落淚

一對新人亦分別向家人同新婚另一半表達感謝之意，Sing表示未來會努力多帶猫仔去旅行，享受二人世界。而猫仔就多謝Sing一直對自己嘅包容，仲承諾會考慮生仔咁話。

貓仔同老公於婚宴接受親友祝福